Bydd yr ymgynghoriad terfynol ar gyfer Deddf Rhentu Cartrefi Cymru yn cael ei anfon allan ym mis Medi. Bydd hyn yn dod â ni gam yn nes at gael un Contract ar gyfer holl denantiaid Barcud (Deiliaid Contract). Wrth i ni nesáu at y cam olaf, byddem yn croesawu eich sylwadau.

Mae pedair ffordd o gysylltu â ni ynghylch Deddf Rhentu Cartrefi Cymru

Drwy e-bost: rentinghomes@barcud.cymru
Drwy'r Post: Rhentu Cartrefi Cymru, Barcud, Uned 4, Parc Busnes Pont Steffan, Llanbedr Pont Steffan, Ceredigion SA48 7HH
Trwy lenwi’r ffurflen hon:
Drwy ffonio'r rhif Gwasanaethau Cwsmeriaid a gofyn am gael siarad â'ch Swyddog Tai

Cwestiynau Cyffredin

Bydd Tenant yn cael ei alw’n Ddeiliad y Contract (y person sy’n rhentu’r cartref) yn y cytundeb newydd. Yn unol â chais Grŵp Monitro Barcud, bydd Barcud yn dal i’ch galw’n denant mewn llythyrau newyddion, mewn negeseuon cyffredinol ar gyfryngau cymdeithasol ac mewn gweithgareddau sy’n ymwneud â thenantiaid.

Bydd Cytundeb Tenantiaeth yn cael ei alw’n Gontract Meddiannaeth (y ddogfen a gewch pan fyddwch yn symud i mewn i’ch cartref newydd).

Bydd Landlord Cymdeithasol yn cael ei alw’n Landlord Cymunedol.

Bydd yn rhaid i chi ddarllen eich Contract Meddiannaeth newydd ac ymgyfarwyddo ag ef, fel eich bod yn deall eich hawliau a’ch cyfrifoldebau. Gwnewch yn siŵr eich bod yn cadw copi mewn lle diogel fel eich bod yn gwybod ble y mae os bydd angen i chi gyfeirio ato.

Byddwn yn anfon at denantiaid presennol Barcud ddatganiad ysgrifenedig (copi ysgrifenedig) o’u Contract Meddiannaeth newydd cyn pen 6 mis ar ôl 1 Rhagfyr. Bydd pobl sy’n symud i mewn i un o gartrefi Barcud am y tro cyntaf o 1 Rhagfyr ymlaen yn llofnodi’r contract meddiannaeth newydd.

Byddwch. Mae’r Ddeddf newydd, sef Deddf Rhentu Cartrefi (Cymru), yn ei gwneud yn haws ychwanegu pobl eraill at Gontract Meddiannaeth neu dynnu pobl eraill allan ohono, oherwydd ni fydd angen terfynu un contract a dechrau contract arall yn awr. Bydd hefyd yn haws tynnu un person allan o’r contract heb beryglu contract y person arall.

Bydd Cyd-denantiaid yn awr yn cael eu galw’n Gyd-ddeiliaid y Contract.

Contact Us